Fylkesutdanningssjef

Er du vår neste fylkesutdanningssjef ?

Du får då ansvar for unike samfunnsoppdrag, som berre fylkeskommunen har. Gjennom regionalt utviklingsarbeid og utdanning er vi med å utvikle samfunnet i Møre og Romsdal og framtidas samfunnsborgarar. Frå 01.07.12 blir ei av våre mest spanande og krevjande leiarstillingar ledig når fylkesutdanningssjefen går av med pensjon.

Fylkesutdanningssjefen er øvste leiar for utdanningssektoren og har det administrative skoleeigaransvaret for dei vidaregåande skolane i fylket, vidaregåande opplæring i bedrift og fagskole. Verksemda blir styrt ut i frå prinsippa om kvalitetsleiing og mål- og rammestyring. Sektoren har ei samla økonomisk ramme på 1.4 mrd kroner. Ass. fylkesutdanningssjef er nestleiar og utgjer toppleiarnivået i sektoren saman med fylkesutdanningssjefen.

Utdanningsektoren har om lag 2000 tilsette fordelt på 23 vidaregåande skolar, 2 fagskolar og utdanningsavdelinga i sentraladministrasjonen. Vi har om lag 9 400 elevar i dei vidaregåande skolane og 450 studentar i fagskolane. Gjennom vidaregåande opplæring i bedrift følgjer vi opp vel 2000 lærlingar fordelt på 1300 godkjente lærebedrifter.

Sentrale utfordringar for sektoren er å:
• sikre at dei unge opplever tilpassa opplæring, kvalitet, heilskap og samanheng i opplæringa og eit godt
lærings- og arbeidsmiljø
• auke gjennomføringsgraden i vidaregåande opplæring 
• sikre at minst 90% av ungdommen får oppfylt førsteønsket om vidaregåande opplæring i ein tilbodsstruktur
som imøtekjem etterspurnaden etter kompetanse i arbeidslivet
• auke tilgangen på læreplassar og sikre høg kvalitet på opplæringa for lærlingane
• sikre god tilbodsstruktur og opplæringskvalitet i fagskolane
• sikre rekruttering og utvikling av kompetent arbeidskraft til sektoren

Møre og Romsdal fylkeskommune skal vere ein kvalitets- og resultatorientert organisasjon med tydeleg kultur for læring og utvikling. Å ta i bruk nye arbeids- og samhandlingsformer og utvikle felles identitet og medarbeidarskap står sentralt i fylkeskommunens arbeidsgivarpolitikk. Det vil bli lagt vekt på relasjonell leiing og at fylkesutdanningssjefen skal vere tett på sine underordna einingsleiarar og andre samhandlingspartnarar både internt og eksternt.

Kvalifikasjonar:

• Høgare utdanning
• Erfaring frå offentleg sektor og kunnskap om pedagogisk verksemd
• Solid leiarerfaring, med dokumenterte resultat
• Strategisk evne og utviklingsdriv
• Relasjonelle- og kommunikative evner vil bli vektlagt

Vi tilbyr:

• Ei utfordrande stilling i ein dynamisk organisasjon
• Løn etter avtale
• Tilsetting på fylkeskommunale vilkår og offentleg pensjonsordning

Søknad:

Vi ber om at søkjar sender søknad elektronisk. 

Søknadsfrist: 01.03.2012